მარი 7 წლის ასაკიდან მღერის. მის ნიჭს გარშემომყოფები ყოველთვის აღნიშნავდნენ. როგორც თვითონ ამბობს,ყოველთვის  ძალიან უნდოდა დიდ სცენაზე გამოსულიყო, ოჯახიც მხარს უჭერდა და ასე გადაწყვიტა"ნიჭიერში” მოსვლა.

აქამდე რამდენიმე კონკურსში აქვს მონაწილეობა მიღებული და საკმაოდ წარმატებით.  მაგალითად, 2010 წელს, პირველმა საჯარო  სკოლამ (რომელშიც მარი სწავლობს) წარადგინა გოგი დოლიძის სახელობის ფესტივალზე, სადაც ლაურიატის წოდება მოიპოვა. გარდა ამისა, ფართო აუდიტორიაში გამოსვლის გამოცდილება არა მხოლოდ სიმღერით, არამედ ფორტეპიანოზე კლასიკური ნაწარმოებების შესრულებითაც ჰქონდა. ის ვიქტორ დოლიძის სახელობის მუსიკალურ სკოლაში სწავლობს ფორტეპიანოს განხრით.

თუმცა, ისეთი დიდი აუდიტორია, როგორიც "ნიჭიერს” ჰყავდა, პირველი იყო მისთვის და როგორც გვითხრა "სცენაზე გასვლის დროს ვნერვიულობდი, რადგან პირველად ვიდექი ისეთ დიდ სცენაზე, როგორიცაა ფილარმონიის დიდი საკონცერტო დარბაზი”.