გასული მატჩის საუკეთესო მოთამაშე - რიკარდო კაკაა. ბრაზილიელმა "მესტალიაზე" დაბრუნება ორი გოლითა და ორი საგოლე გადაცემით აღნიშნა. ახლად გამოჯანმრთელებულმა მადრიდისტამ "ვალენსიას" კარში გატანილი ექვსი გოლიდან ოთხში უდიდესი წვლილი შეიტანა. "Ballon d'Or"-ის გამარჯვებული თავის ძველ ფორმას უბრუნდება.
კაკა 22 აპრილს 29 წლის გახდა, იუბილე მან ერთი დღის შემდეგ "ვალენსიას" კარში გატანილი დუბლით აღნიშნა. შეიძლება ითქვას, რომ კაკას დაბრუნება "რეალისთვის" ერთგვარი სტიმულია და არანაირ სენსაციას არ წარმოადგენს ის, რომ ბრაზილიელის ყოველ დაბრუნებას მის მიერ გატანილი გოლი მოჰყვება. მიმდინარე სეზონში ჩატარებულ ათ შეხვედრაში მან თავი 6-ჯერ გამოიჩინა.
"მესტალიაზე" გამართული მატჩის შემდგომ მოურინიომაც ისაუბრა კაკაზე. "კაკამ შესანიშავი შეხვედრა ჩაატარა სწორედ იმ პოზიციაზე, რომელიც ყველაზე მეტად მიყვარს. მას არაერთ პოზიციაზე შეუძლია თამაში, ეს კი მისი პოზიტიური თვისებაა. ჩვენ გვჭირდებოდა ის და მას სჭირდებოდა ის თავდაჯერებულობა, რაც მან დღეს მოიპოვა," - ასეთი განცხადება გააკეთა მოურინიო მატჩის შემდგომ პრესკონფერენციაზე.
მადრიდის "რეალში" გადმოსვლის დღიდან კაკამ ჯამში 15 გოლის გატანა შეძლო. თუ გადავხედავთ მის სტატისტიკას, მაშინ ვიტყვით, რომ ასისტენტის როლში ყოფნაც მშვენივრად გამოსდის. 15 გოლიდან რიკიმ, 14 - "ლა ლიგაში" გაიტანა (2009/10 წლებში - 8 გოლი; 2010/11 - 6); ხოლო ერთი გოლიც "ჩემპიონთა ლიგაზე" გასულ სეზონში. სამეფო თასზე ბრაზიელიელს გოლი ჯერ არ გაუტანია.
სტატისტიკის თანახმად, თავისუფლად შეიძლება ითქვას, რომ კაკას უკეთ გამოსდის ასისტენტის როლში თამაში. თუნდაც, იმიტომ რომ მას "რეალში" მოსვლის შემდეგ 16 საგოლე გადაცემა აქვს გაკეთებული, რაც მის მიერ გატანილი გოლების რაოდენობას ერთით აღემატება. რიკის "ლა ლიგაში" ჩატარებულ 35 მატჩში 14 გოლი აქვს გატანილი, "ჩემპიონთა ლიგაზე" 9 შეხვედრაში - 1 გოლი, ხოლო სამეფო თასზე 4 ჩატარებულ შეხვედრაში მან თავი ვერცერთხელ ვერ გამოიჩინა.
| Google
ადმინთან კონტაქტი
